一机玩尽 11 款旧卡带一机玩尽 11 款旧卡带
呢个叫 Cyber Gadget 的日本公司，专出电视游戏机配件，佢哋最出名就係改 Save 档工具及攻略本，简单讲就係玩出术啦。据佢公司网页讲，今年春天会推出一部百搭旧 Game 游戏机「Retro Freak」，一机食晒 11 种游戏机卡带，包括红白机、超任、灰机、Gameboy、Gameboy Color、GBA、MegaDrive、Genesis、PC Engine、TurboGrafx、PCE SuperGrafx。暂时睇相就睇唔出係用乜方法去插匀晒咁多款卡带，我估可能又係跟
一堆转换器啩？
当然，如果试过用旧游戏机配家阵啲高清电视，大家都知效果其实麻麻，所以Retro Freak将直接升格将视频讯号升上 720p，以 HDMI 接驳电视，咁就可以避免用旧红白黄线的毙病。
其实最重要的係，卖几钱呀？价钱未公布，不过据以住外国啲旧带兼容机睇，可能都唔会平得去边。好多人或者会讲玩模拟器好过，但係你又冇卡带响手，又点会知玩带感受？
产品网址
上一篇：一机搞掂！ 蒸气焗炉 自家製叉烧肠粉食谱 下一篇：一机走天涯：Samsung Galaxy S4 Zoom 测试
